.: Asuult Sambar Maximus :.

Хөнгөн Бетон.
Үндэсний үйлдвэрийн бүтээгдэхүүн. MNS 831-2001 стандартын дагуу даацын ба даацын бус дулаан тусгаарлалтын ханын блок үйлдвэрлэдэг.

Экологийн цэвэр бүтээгдэхүүн. Үндсэн түүхий эд нь цемент, шохой, ус, элс бөгөөд хаягдалгүй.

Дулаан алдахгүй. Дулааныг сайн хадгална. 60 см зузаан гулдмай нь 1,5-2,0 м зузаан тоосгон ханатай тэнцэнэ.

Цаг уурын өөрчлөлтөд тэсвэртэй. Халуун, хүйтэн, ус чийгийг нэвтрүүлэхгүй.

Галд тэсвэртэй. 1100 С хүртэл температурыг тэсвэрлэх чадвартай.

Дуу тусгаарлана. Дуу чимээг сайн тусгаарлана.

Өрөхөд хялбар, хэмнэлттэй. Жин хөнгөн, хэмжээ том, өрлөг хийхэд хялбар. Материал, механизмын зардал, хөдөлмөр, хугацаа хэмнэнэ.

Удаан эдэлгээтэй. Удаан эдэлгээтэй, хэлбэр хийц, үзэмжийг өөрчлөх боломжтой, хэрэгцээг тооцоход хялбар.

Ажиллахад хялбар. Мужааны ба бусад энгийн багажаар хөрөөдөж, өрөмдөж, дурын хэлбэрт оруулах, ашиглах боломжтой.

Хор хөнөөлгүй. Хорт бодис, хорт хий агуулдаггүй, тул хүний биед хоргүй. Элдэв празит үүрлэхгүй.

Хэрэглээ хязгааргүй. Барилгын хана, тааз, шал, дээвэр, хучилт, дулаалга зэрэг бүх төрлийн хйицэд болон бусад зориулалтаар хэрэглэнэ.



http://www.youtube.com/watch?v=1Me76L-C1P4
http://www.youtube.com/watch?v=uW67_lHSuaI

http://www.emarketer.mn/newsletter/beton/

_________________
Би Монгол Эр Хүн.

Пенобетон
Пенобетон нь бүтцээрээ, хөнгөн бетоны (эзэлхүүний жингээрээ хөнгөн бетоны дараа орох) ангилалд багтах бөгөөд ижил төстэй сийрмэг бетоноос ялгагдах хэд хэдэн давуу шинж чанартай.

Хөнгөн бетон нь бидний уламжлан хэрэглэж ирсэн бетон бөгөөд үйлдвэрлэлийн процесс нь шохой болон цахиурлаг компонентууд ба бусад үнс мэт хольцуудыг гадаргуугийн идэвхит бодис хий үүсгэгчээр химийн урвалын дүнд хийжүүлэн хатууруулаад дараа нь уураар жигнэх дулааны боловсруулалтыг заавал хийсний үндсэн дээр гаргаж авдаг. Харин пенобетон нь өндөр маркийн, барьцалдах чадвар сайтай цемент, шаварлаг хольц багатай элс бүхий хольцыг хөөс үүсгэгч бодистой эсвэл тусад нь үүсгэсэн хөөстэй хольж хатууруулан хөөсөн бүтэцтэй бетоныг гаргаж авна. Пенобетоныг уураар жигнэх шаардлагагүй.

Пенобетоны сийрмэг бетон болон бусад материалаас ялгаатай талууд

Пенобетоны хамгийн гол давуу шинж чанар нь сүвэрхэг бүтэц бөгөөд сийрмэг бетонд хий үүсэхдээ дэгдэмхий чанараараа дээш чиглэсэн байрлалаар нэвт байрлалтай агаарын сувгуудыг бүтэцдээ үүсгэсэн байдаг. Харин пенобетоны дотор жигд тархан байрласан агаарын бөмбөлгүүд нь хаалттай, нэг нэгээсээ тусгаарлагдсан байдаг.

Үүний улмаас адил нягттай 2 бетоныг усанд хийхэд пенобетон усны гадаргуугаар хөвдөг, хөнгөн бетон ёроолд нь живдэг. Ус шингээлт багатай энэ чанар нь дулаан тусгаарлах, хүйтэнд тэсвэртэй, цан цохихгүй гэх мэт үндсэн шинж чанаруудыг бүрдүүлдэг.

Хийжүүлсэн бетон нь пенобетоноос нэг талаар давуу бөгөөд хоёул адил нягттай үед хийжүүлсэн бетоны бат бөх нь илүү байдаг. Гэхдээ энэ нь пенобетон хэврэг гэсэн үг биш бөгөөд пенобетон нь цагийн аясаар элэгдэж өгөршихгүй, урсахгүй учир нь дулааны боловсруулалтанд ороогүй цемент нь хийн бөмбөлгөөр нэвчих чийгний үйлчлэлээр улам бат бэхийг олж байдаг.

1. Баталгаат чанар

Барилгын хийцийн материалын баталгаат шинж чанарыг илэрхийлэх зайлшгүй чухал үзүүлэлтийн нэг бол бат бэх чанар юм. Бат бэх чанарыг олоход нөлөөлөх хүчин зүйлүүдэд эзэлхүүний масс, үйлдвэрлэсэн хугацаа, чийгний хэмжээ, хольц компонентуудын физик химийн үзүүлэлтүүд, порц гэх мэт үзүүлэлтүүд орно. Мөн чийгтэй орчинд барих, уураар жигнэх гэх мэт аргаар бат бэхийн хязгаарыг нэмэгдүүлж болно. Пенобетон блокын чийглэгийг огцом алдахгүйгээр барьж байх тусгай материалаар ороож хадгалах нь тохиромжтой.
Пено ба хийжүүлсэн бетон хоёул адил нягттай үед хийжүүлсэн бетон нь илүү бат бэх болдог. Гэхдээ энэ нь пенобетон хэврэг гэсэн үг биш бөгөөд пенобетон нь цагийн аясаар элэгдэж өгөршихгүй, урсахгүй учир нь дулааны боловсруулалтанд ороогүй цемент нь хийн бөмбөлгөөр нэвчих чийгний үйлчлэлээр агаарт агуулагдаж байгаа СО2-той урвалд орсноор хангалттай бат бэхийг олно. Пенобетоны хүнд бетоноос ялгагдах шинж нь үйлдвэрлэсний дараа эхний 12 сарын турш бат бэхийн хязгаар шугаман хамаарлаар өснө. Харин хүнд бетон нь нэлээн эрт өөрийн бат бэхээ олж тогтворжидог. Гэхдээ пенобетоны бат бэх нь дээрх урвалын дүнд цааш үргэлжлэн өсдөг. Пенобетоны удаан бэхждэг гол шалтгаан нь: хөөс үүсгэгч бодис нь гадаргуугийн идэвхт бодисын үүрэг гүйцэтгэх ба клинкерийн минерал болон дүүргэгчийн частицыг (эгэл хэсгийг ) бүрхээд бетоны бат бэхээ олох процессыг удаашруулдагт оршино.

2. Дулаан

Пенобетон нь маш сайн дулаан тусгаарлах шинж чанартай. Дулаан тусгаарлах чадвар өндөр байна гэдэг нь барилгыг халаахад зарцуулах энергийг хэмнэж илүү тав тухыг өгнө. Эзэлхүүний жин бага үед шахалтын бат бэх нь харьцангуй өндөр байвал барилгын материалд дулааны эсэргүүцэл сайн байна гэсэн үг. Дулааны эсэргүүцэл өндөр байна гэдэг нь өрөөн дотор дулааныг нөөцлөх чадвартай бөгөөд ашиглалтын явцад халаалтын зардлыг 20-30% бууруулж чаддаг.

3. Бичил уур амьсгал

Пенобетон нь байгууламжид бичил цаг уурын орчныг бүрдүүлэх физик үзүүлэлтүүд болох халуун ба хүйтэн, харьцангуй чийглэг, салхины чиглэл, хүч, инсоляцын нөхцөл гэх мэт параметрыг уялдуулсан цогц үзүүлэлт болох бичил уур амьсгалыг маш таатайгаар бүрдүүлж өгдөг материал юм. Пенобетоноор барьсан барилга өвлийн цагт дулаан алдагдал, зуны цагт халалтыг эрс багасган, өрөөний агаарын солилцоог дамжуулан, чийгнээс хамгаалж, таатай бичил уур амьсгалыг бүрдүүлэн “амьсгалж “ байдаг нь хүний ажиллаж амьдрах аятай нөхцөлийг хангаж өгдөг. Энэ шинж чанараараа модтой төстэй.

4. Угсрахад хялбар байдал

Пенобетоны нягт бага, хөнгөн чанар нь тоосгыг бодвол том хэмжээний блок үйлдвэрлэх боломжийг бүрдүүлэх бөгөөд ханын өрлөгийн ажлыг хурдан хийхэд нөлөөлдөг. Мөн боловсруулахад хялбар, чанар нь цахилгааны кабелийн суваг татах, нүх гаргах, хоолой тавих ажлыг хөнгөвчилж өгдөг. Блокны шугаман хэмжээсний өндөр нарийвлал нь +/-1мм ханын өрлөгийн алдааг багасгаж өгдөг.

5. Дуу чимээ тусгаарлах

Пенобетон нь сүвэрхэг бүтцийнхээ онцлогоос хамааран дуу авиа шингээх буюу тусгаарлах чадвар өндөртэй байдаг бөгөөд энэ нь түүний үндсэн гол давуу чанаруудын нэг юм. Бүр бага давтамжийн дуу чимээг ч сайн шингээдэг. Харин хүнд бетон эсрэгээр дуу чимээг ойлгодог. Гэвч энэ үзүүлэлт ханын материалын шаваас, будагнаас их хамааралтай байдаг.

Пенобетон нь сүвэрхэг бүтцийнхээ онцлогоос хамаарч дуу чимээг дээд зэргээр тусгаарлаж чаддаг материал юм. Пенобетоныг дуу авиа тусгаарлагч материалын зориулалтаар барилгын хийцийн бетоны хавтанд өргөн ашигладаг.

6. Экологийн цэвэр байдал
Ашиглалтын явцад пенобетон нь хортой бодис ялгаруулдаггүй бөгөөд экологийн цэвэр бүтээгдэхүүнээр модны дараа ордог. Материалуудыг экологийн цэвэр байдлын коэффициентээр харьцуулж үзвэл: мод-1, пенобетон-2, тоосго-10,керамзитан блок-20 гэх мэт байна.

7. Гоё ганган шийдэл хийх боломж
Пенобетон хийцийг хөрөөдөх, өрөмдөх, сийлэх, зүлгэх гэх мэтээр боловсруулж болдог учраас янз бүрийн хэлбэртэй өнцөг, арок, пирамид, багана гэх мэтийн архитекторын шийдлүүдээр байшингаа гоёж чимэж болно.

8. Арвилан хэмнэх
Геометрийн өндөр нарийвчлал нь пенобетон хийцүүдийн завсраар хийх янз бүрийн чигжээс, цавуу болон гадаргуугийн дотоод гадаад түрхлэг гэх мэтийн материалуудын зарцуулалтыг багасгаж хэмнэх боломжтой. Мөн пенобетоны жин хүнд бетоныхоос (10-87% хүртэл) бага учраас фундаментын зардлыг тодорхой хэмжээнд хэмнэх бололцоог олгож байна. Мөн угсрах тээвэрлэхэд амар хөнгөн учир тээврийн зардал, хүн хүч, цаг хугацааг хэмнэнэ.

9. Галд тэсвэртэй чанар
Пенобетон хийц нь галын аюулаас найдвартай хамгаалах бөгөөд туршилтын үр дүнгээр галд тэсвэрлэлийн зэргээр нэгдүгээр ангилалд хамаарагддаг нь батлагдсан. Тиймээс галд тэсвэртэй хийц хийхэд тохиромжтой. Пенобетоноор хийсэн хийцийг эрчимтэй халаах үед бетоны гадаргуу өөрчлөлтөнд орохгүй. Үүний үр дүнд арматур удаан хугацаагаар халалтаас хамгаалагдана. Австралид явуулсан судалгаагаар 150мм зузаантай пенобетоноор хийсэн хавтанг гаднаас нь1200ОС хүртэл халаахад дотор тал нь 5 цагийн дараа дөнгөж 46ОС-д хүрсэн байна. (туршилт BHP Research & New Tehnology-д хийгдсэн болно) Мөн ийм зузаантай хана гал түймрээс 4 цагийн турш хамгаалжээ.
Янз бүрийн орнуудад стандартын шаардлага нь өөр өөр байна. Жишээлбэл: Италид-133мм (4 цагийн турш дахь галын тэсвэрлэх хананы зузааны хэмжээгээр), Шинэ Зеландад-133мм, Австралид (EBRS-Ryde)-105мм. Энэ бүх туршилтын үр дүн нь пенобетон бол шатахгүй, цуурахгүй хий, уур, утааны үйлчлэлд тэсвэртэй маш сайн бетон болохыг баталж байна.

10. Хэрэглэх хүрээ
Пенобетоноор зөвхөн блок хийгээд зогсохгүй тааз, шалыг газар дээр нь цутгаж шугам хоолойг дулаалах, угсралтын хавтан, блокнуудыг хийх боломжтой. Мөн өндөр нягттай пенобетоноор давхар хоорондын хучилт, фундаментыг цутгах боломжтой.
-300-600кг/м3 нягттай пенобетоныг дулаан ба дуу чимээ тусгаарлах шал ба дээвэр, теннисний талбай, газар доорх хананы тоосгон өрлөгний хоосон орон зайг бөглөх мөн хөндий блоконд гэх мэт тусгаарлах өндөр шинж чанартай материалын зориулалтаар хэрэглэнэ. Пенобетон нь урсамтгай шинж чанартай учраас түүгээр дурын орон зайг, хүрэхэд хэцүү завсрыг чигжиж дүүргэж болно жишээлбэл: цонхны тавцанд, труба дотор гэх мэт.
-600-900кг/м3 нягттай пенобетоныг дулаан ба дуу чимээ тусгаарлах угсралтын блок, хананцрын хавтан, дүүжин таазны плитаны хучилтыг хийнэ. Мөн пенобетон нь суудаггүй, доргиурын аргаар нягтруулах шаардлагагүй ба ачааллыг жигд хуваарилах гайхалтай шинж чанартай учраас хоосон орон дүүргэх сайн чанарын бөглөөс болдог. Жишээлбэл: янз бүрийн шуудууг дүүргэхэд, хонгилын жийргэвчийг хийх үед үүсдэг хоосон зайг бөглөхөд, шугам хоолойн дулаан тусгаарлалтанд гэх мэт.
-900-1200кг/м3 нягттай пенобетоныг гадна талын хана ба хананцрын блок ба хавтанд мөн дээврийн болон давхрын хучилтын хавтанцарт хэрэглэнэ.
-1200-1600кг/м3 нягттай пенобетоныг хувийн орон сууцны болон үйлдвэрлэлийн зориулалттай барилгын угсралтын хавтан мөн дан цутгамал хананд түүнчлэн цэцэрлэгт хүрээлэн, хөшөө дурсгал зэрэгт хэрэглэж болно.

_________________
Би Монгол Эр Хүн.

Холимог хөөсөнцөр
Холимог хөөсөнцөр нь зүгээр нэг дулаалгын хөөсөнцөр биш юм. Холимог хөөсөнцрөөр хийгдсэн барилгын элементүүд, үйлдвэрлсэн материалууд их олон төрлийн ачаалбарын хэлбэрийг даах чадвартай нь механик хүчдэлээр бат бөх чанарыг харуулж байна. Хана, дээвэр, шалны аль ч дотоодын хэрэглээнд холимог хөөсөнцөр нь хамгийн тохиромжтой шийдэл юм. XPS маркийн холимог хөөсөнцөр нь 200-550 кПа даах чадвартай.

Усанд тэсвэрлэх чанар
Холимог хөөсөнцөр нь бараг 100% битүү ширхэгтэй тул чийгэнд автдаггүй ба чийг шингээх хэмжээ нь эзлэхүүний 0.5%-иас бага байдаг. Холитог хөөсөнцөрийг тодорхой хэмжээгээр устай тулгарч байдаг шаланд, эсвэл дулаалга нь усанд хүрэлцэж байдаг хамгаалалттай мембрант дээврийн системд ч хэрэглэж байсан. Холи мог хөөсөнцөрийн үзүүлэлт нь дээр тодорхойлсон чанартаа хүрнэ гэдэгт хэрэглэгч та итгэлтэй байж болох ба хөлдөлт, хүйтний нөхцөлд сайн тэсвэртэй

Олон талт чадвар
Холимон хөөсөнцөрийн битүү ширхэгтэй бүтэц болон нягт нь тусгай нарийвчилсан ирмэг гадаргууг гаргаж болдог. Ингэснээрээ олон төрлийн зориулалтаар хэрэглэх боломжто болно. Бараг бүх хэлбэр дүрсээр зүсэх боломжтой учраас ямар ч барилгад бэхжүүлэгч чигжээс, олон талын дулаалгын материал болдог. Барилга байшинд ч бай, тусгай зориулалтаар хэрэглэсэн ч бай холимон хөөсөнцөр нь олон талт шийдэл болж өгдөг

Хөнгөн чанар
Холимог хөөсөнцөр нь бат бөх боловч хөнгөн, зөөхөд хялбар байдаг. XPS маркийн холимог хөөсөнцөр нь 30-40 кг/м3 – н нягттай үйлдвэрлэгддэг.

Байгаль орчны хувьд аюулгүй
Холимог хөөсөнцөр нь полистириний хөөсөнцөрийн дулаалга ба үйлдвэрлэлийн хаягдал нь 100% дахин хэрэглэгддэгээрээ байгаль орчинд халгүй бөгөөд ямарваа нэгэн цацраг идэвхит бодис, хор нөлөөтэй элементүүдийг агуулдаггүй 100% баталгаатай. Гадна, дотор орчинд хэрэглэнэ

Эрчим хүчний хэмнэлт
XPS маркийн холимог хөөсөнцөрийн дулаан дамжуулах дундаж чадвар нь 0.03 W/mk-с бага ба энэхүү чадвар нь дулаан алдахаас хамгаалж ингэснээрээ ихээхэн хэмжээний эрчим хүчний хэрэглээг бууруулдаг. Хаалга, хана, дээвэр зэрэгт дулаан тусгаарлагч болгоно. Энэ хөөсөнцөрийн систем нь өөртөө 65% ба түүнээс дээш дулааныг хадгалдаг.

_________________
Би Монгол Эр Хүн.

хөнгөн тусгаарлагч материал

ИЗОВЕР КТ/40- Твин

Рулоноор баглагдсан хөнгөн эластик шилэн хөвөн. Хэрэглэх газар нь – дээр нь даралтт үүсгэхгүй хэсэг дээр. Баглаандаа өөрийнхөө жинхэнэ эзлэхүүнээсээ 75% хүртэл шахагдсан. Бүх төрлийн байшинд модон, төмрөн, тоосгон болон бетонон конструкцид дулааны тусгаарлагчаар хэрэглэнэ. Шал, хана, таазны дулаалганд хэрэглэнэ. Түүнээс гадна хоер ханатай барилгад дуу тусгаарлагч шиг хэрэглэнэ.

КТ/40-Твин нь 2003 оны шинэлэг бүтэгдэхүүн. Энэ нь бол хөндлөнгөөр дундуур нь зүссэн стандартны 100 мм рулон. Үүгээрээ энэ рулоныг 2 маягаар ашиглаж болно. 1. 100мм зузаантай 1 рулон шиг
2. 50мм зузаантай 2 адилхан рулон шиг

Техникийн үзүүлэлт:
1. Зузаан - 5 см
2. Өргөн - 122 см
3. Урт - 2*700см
4. Рулон - 17,08 м2 буюу 0,854м3
5. Нягтрал - 11 кг/м3
6. Дулаан нэвтрүүлэлт - 0,041Вт/мК
/Дундаж температур 10 С-йин лабораторын үзүүлэлт, ИСО 8301-ийн дагуу/
7. Галд тэсвэртэй үзүүлэлт - шатдаггүй /Үндсэн материал, ИСО 1182-ын дагуу/
isover

ИЗОВЕР КТ40-50/АЛ

Дээрхи материалтайгаа адилхан. Гэхдээ хөнгөн цагаан фольгагаар бүрсэн. Онцгой чийг ихтэй газар хэрэглэнэ.

Техникийн үзүүлэлт :
1. Зузаан - 5 см
2. Өргөн - 120 см
3. Урт - 1400 см
4. Рулон - 16,8 м2 буюу 0,84м3

_________________
Би Монгол Эр Хүн.

BASALTWOOL чулуун хөвөн
Дулаан тусгаарлагч хавтан
Дулаан тусгаарлагч дэвсгэр
Дулаан тусгаарлагч хоолой
Дулаан тусгаарлагч олс

Үйлдвэрлэн гарч буй бүтээгдэхүүнийг эрчим хүчний тоног төхөөрөмжийн дулаан тусгаарлагч, үйлдвэрийн болон иргэний барилгад гадна хана, дээвэр, төрөл бүрийн хоолойг дулаалах материал болгон хэрэглэхээс гадна дуу намсгахад зориулан хэрэглэнэ.


Дулаан тусгаарлагч rockwool чулуун хөвөн

Цельсийн 1400-1600 градусын хэмд базалтын чулууг коксжуулсан нүүрсээр хайлууснаар эрдэс чулуун хөвөн гарган авах явц эхлэнэ. Хайлуулсан массыг тодорхой өргөнтэй цуудас болгон үлээх ба холбогч бүтээгдэхүүн ба ус зайлуулах нэмэлт нь түүний найрлагад орно. Баяжуулсан бэлдмэлийг хөвөн болтол нь боловсруулна. Basaltwool чулуун хөвөн ба түүнээс гарган авсан бүтээгдэхүүн нь хүнд нөлөөлөх зүйлгүй ба экологийн цэвэр бүтээгдэхүүн юм.


Дулаан тусгаарлагч basaltwool чулуун хөвөн хавтан

Энэхүү бүтээгдэхүүнийг барилгын босоо хийцийн дулаан тусгаарлагч болгон ашиглана.

Дулаан тусгаарлагч basaltwool чулуун хөвөн дэвсгэр

Эдгээрийг цахилгаан станцын уурын хоолойны гадар, -1800С +7000С тусгаарлагч гадаргуун температур бүхий эрчим хүчний болон үйлдвэрийн тоног төхөөрөмжийн гадаруун дулаан тусгаарлагч болгон ашиглана.


Basaltwool чулуун хөвөн ба түүнээс гарган авсан бүтээгдэхүүнүүд нь дараах шинжийг агуулна:

Тусгаарлалтын өндөр тэсвэртэй
Өөрчлөлт гажилтанд өндөр тэсвэртэй /мехнаник үйлчлэлд үзүүлэх эсэргүүцлийн түвшин нь баглаа боодол дээр тэмдэглэгдсэн байх ба тэмдэглэгээн дээр байгаа тоо их байх тусам эсэргүүцэл өндөр байна. /
Галд тэсвэртэй
Ус нэвтрүүлэхгүй байх чадвартай
Дуу тусгаарлагч, дуу чимээ тохируулагч



Basaltwool чулуун хөвөн-Дулаан дусгаарлагч хоолой

Basaltwool чулуун хөвөн хоолойнг 57-273м диаметртэй үйлдвэрлэдэг ба -1200С +4000С гадаргуун температур бүхий дамжуулгын хоолойн дулаан тусгаарлах материал болгон ашиглана.


Basaltwool чулуун хөвөн хоолойн дулаан нэвтрүүлэх чанар 0,04вт/м.к
Органик бодисын агууламж -6% хүртэл
Коралкын агууламж - 6% хүртэл
Ашиглалтын температур -120 0С+4000С


Дулаан тусгаарлагч материалын үндсэн чанар

Дулаан дамжуулалт нь орон зай дахь сэмэрдсийн чиглэлээс хамаардаг ба агаарын хөдөлгөөний үр дүн болдог. Сэмэрдсийн зузаан нь 3,9-6 км байх ба энэ нь агаарын давхрага олноор үүсгэх бололцоог олгодог ба ингэснээр basaltwool чулуун хөвөн бүтээгдэхүүний дулаан тусгаарлах чанар нь сайжирдаг байна. Тусгаарлалтын түвшин температураас хамаарна. Basaltwool чулуунгийн тусгаарлалтын чанарууд нь гал түймрийн үед ч хадгалалгдаж байдаг.

Тусгаарлалтын өндөр түвшин


Ус тусгаарлах чанар

Тусгаарлагч материал дахь чийг нь тухайн материалын тусгаарлах чанарыг алдагдуулдаг гэдэг нь ойлгомжтой. МБДТМҮ-ийн basaltwool чулуун хөвөн хавтан ус зайлуулах чадвартай байдаг.



Дуу чимээ тусгаарлах ба дуу чимээ тохируулагч

Дуу чимээ тусгаарлах

Дуу чимээ тохируулагч


Basaltwool чулуун хөвөн нь хайлуулсан базалтын уулын чулуулгийн сэмэрдсээс /волокна/ тогтоох ба энэ нь хоорондоо холбогдсон агаараар дүүрсэн зай завсартай байдаг.

Энэ нь гадаад болон дотоод дуу чимээнээс орон сууцыг тусгаарлах дуу тусгаарлагчид чухал үүрэг гүйцэтгэдэг байна. Basaltwool чулуун хөвөн дулаан тусгаарлагч нь хананы гадаргуу хоорондын дуу чимээний босоо долигон үүсгэх эрсдлийг багасгах ба агаарын тусгаарлалтыг сайжруулдаг.

Дуу чимээ тусгаарлагч Basaltwool чулуун хөвөн бүтээгдэхүүн ашиглан дуу чимээг багасгаснаар сургууль, албан газар, байгууллага, үйлдвэрлэлийн барилга зэрэгт гардаг олон асуудлыг шийдвэрлэж чадна. Материалын дуу намсгах шинж чанар нь резонансын хугацааг багасгах ба ингэснээрээ сууцны дуу чимээний түвшинг багасгана.

Галд тэсвэртэй чанар

Basaltwool чулуун хөвөн сэмэрдэс /волокна/ нь 10000С температурт тэсвэртэй ба ийм температурын үед хайлдггүй.



Basaltwool чулуун хөвөн сэмэрдэс /волокна/ нь температурын эрс тэс өөрчлөлтөнд тэсвэртэй байдаг тул Basaltwool чулуун хөвөнгөөр хийсэн бүтээгдэхүүнийг өндөр болон нам температурын үед ашиглаж болно.

Ашиглалтын температурын цар хүрээ -1800С +7000С хүртэл байна.

_________________
Би Монгол Эр Хүн.

хэрэгтэй л эд байна...залуудаа шалгалт энэ тэрийг нь өгч л явлаа

_________________
Love is the beauty of the soul

Мэддэг зүйлсээ бичээрэй.

_________________
Би Монгол Эр Хүн.

isover mash hortoi boloh ni togtoogdood baigaa. orosod odoo ene talaar boon asuudal bolj baina. manaih haa ochij yumnaas hotsorch yavdgaaraa uldchij.

hamgiin sain hamgiin naidvartai tehnologi bol keramzit yumuu alevrolit blokoor hanaa orood davhar basaltiin dulaalga hiigeed gaduur ni ongolgoonii keramik ulaan toosgo orchvol za tegeed huntei yum yarihguiee hehe.

tsonhoo dandaa german vakuum tsonh bolgono. shuco yumuu kommerling tavina.

deevree chuluutai tsaasan deever yumuu esvel keramik havtantsaruudaar deeverlene. yostoi nam. tavilgaa geriin haalguudaa dandaa mongoliin uildvert hiisen tsever modon tavilguud baina gej bodoj baina. oo laitai tiimuu. gertee oronguut goyo mod unerteel. odoo shine ailuudaaar orohoor hujaa mebeliinh ni tsaasnii hog tsavuutai zuuraad hiisen sonin uner ni unerteed baidiima. ter ih muu gejiigaa.

Тоосгонд юу халтай вэ? /Тоосго болоод тоосгон өрлөгөнд тохиолддог өргөн тархмал согог

Олон зуун жилийг элээсэн Москвагийн Кремлийг харвал тоосго ямар гайхалтай барилгын материал болох нь илт. Ямар ч технологийн аргаар хийсэн бай, зөв хандаж харьцахгүй бол тоосго ашигтай шинж чанараа алдах магадлалтай байдаг. Хэрвээ өвөлжих барилгад ашиглаж буй материалд ийм явдал тохиолдвол үр дүн нь таагүй зүйлд хүргэж болно.
Керамик тоосгыг шаврыг элстэй хольж, харин силикатын тоосгыг элс, барьцалдуулагч найрлага болох шохойтой хольж хийдэг билээ. Керамик тоосгыг хэвэнд оруулсны дараа өндөр температурт шатаадаг бол силикатын тоосгыг шатаахад тохиромжгүй, элс шохойн холимгийг уураар шарж тоосго болгодог байна. Иймээс тоосго нь төдийлөн цул /монолитный/ шинж чанартай байхгүй, мөн хатааж, шатаасан барилгын материал нь чийг шингээх чадвартай хэвээр байдаг учраас үүнээс үүдэн ямар нэгэн гэнэтийн явдал тохиолдлоо гэхэд ханын заслаар зогсохгүй өрлөг бүхэлдээ нурахад хүргэж болох юм.

Тоосго ус чийг шингээх чадварын хувьд янз бүр байдаг бөгөөд энэ нь хүйтэн тэсвэрлэлт, ус уух чанар зэргийн шинж чанаруудтай холбоотой байна. Жишээ нь: хэрвээ керамик болон силикат тоосгыг харьцуулбал силикат тоосгоны чийг шингээх чадвар хавьгүй илүү байдаг. Чийг шингээнэ, ууршуулна, хөлдөнө гэдэг түүний дотоод шинж чанартай холбоотой байх нь ойлгомжтой. Чухам эндээс барьж буй барилгын тоосгон өрлөгийг засал хийлгүйгээр өвөлжүүлэх нь зөв юм гэсэн бүдүүлэг алдаанаас сэрэмжлэх хэрэгтэй. Цаг агаарын янз бүрийн нөлөөллөөс болоод үйрч бутрах магадалтай. Барилгыг хэвийн ашиглаж байгаа нөхцөлд дотор талаасаа халдаг, харин гаднаасаа шавардлага, эсвэл өөр ямар нэгэн өнгөлгөөний материалаар /өнгөлгөөний тоосгоор бүрсэн бол ус шингээх чанарын үзүүлэлт бага, харин хүйтэн тэсвэрлэлт өндөртэй байна/ хамгаалагдсан байдаг шүү дээ. Ийм учраас хэрэв ямар нэгэн хүндрэл учирвал өвлийн улиралд угсралтыг зогсоох шаардлагатай, харин ханыг хамгаалах үүднээс дулаална. Мэдээж энэ тохиолдолд мөн чийг хур тунадаснаас хамгаалах хамгаалалт зайлшгүй юм.

Агаарын хур тунадаснаас хамгаалах арга хэмжээ хор хохирол учруулах ямар нэгэн хүчин зүйлсээс сэргийлэхэд туслана. Тоосгон өрлөгийн хана чийгшин хатсанаас цагаан өнгөр үүсгэдэг. Энэ өнгөрийн найрлагад орох давс нь шавар, барилгын зуурмагт байдаг, бас тэгээд өвлийн улиралд хөлдөлтөөс хамгаалах тусгай нэмэлт бодис хийх нь элдэв өнгөр тогтоц үүсэхэд нөлөөлнө. Өнгөр тогтоцууд нь барилгын гадна өнгө төрхийг эвгүй харагдуулахын дээр будсан давхаргыг бас гэмтээдэг. Тоосгоны дотор талаас байнга ургаж байдаг зарим давсны талстууд бүр тоосгон өрлөгийг нураах чадвартай гэж үзэх нь ч бий.
Тоосгыг чийгшилээс хамгаалахад тусладаг нэг арга бол түүнийг усанд тэсвэртэй найрлага бүхий бодис, түүний технологиор боловсруулах явдал юм. Тоосгон өрлөгийн “эрүүл мэндийг” хамгаалах хамгийн энгийн бөгөөд үр дүнтэй арга нь өрөх явцдаа ус үл нэвтрүүлэх материал түрхэх буюу “цасанд даруулахгүй” байх ёстой. Харин хамгаалах үүргийг нь өнгөлгөөнд хэрэглэгдэх материал хүлээдэг.

_________________
Тийшд. Үнэншд. Зөвшд :D

_________________
Тийшд. Үнэншд. Зөвшд :D

модон байшин л дээр дээ. канад америк зэрэг орнуудад модон каркасаар дээд тал нь 7н давхар байшин баридагшд. манайд бол 3н давхар л баригдах нормтой. тэгээд ч мод нь эрүүл ахуй талаасаа муу нөлөө байхгүй. технологийн дагуу бариж чадвал урт настай бат бөх юм даа.

Монгол базальт ХХК - ednii BASALTWOOL чулуун хөвөн buteegdehuun yamar unetei baidag boloo

_________________
Тийшд. Үнэншд. Зөвшд :D

шалтгаанаа бич л дээ.

_________________
Би Монгол Эр Хүн.

Ганбаяраа энэ эхний хэсэгт бичигдсэн пенобетон хөнгөн бетоныг монголд үйлдвэрлэж, зардаг газар байдаг юмуу? Үнэ өртөгийн хувьд ердийн тоосо блокоор өрөхөөс хэр зөрүүтэй тусах вэ? Монголд эдгээр материалыг ашиглаад барьсан барилга байгууламж байна уу үзэж хармаар байх юм.

_________________
Зориг эсхүрвэл ухаан эс хүрнэ

Хөнгөн бетон ХХК.

_________________
Би Монгол Эр Хүн.

_________________
Тийшд. Үнэншд. Зөвшд :D